«إنتي رد سجون».. ريهام سعيد تنهار في البكاء وتستغيث بسبب 6 شباب في مارينا: «اتحرشوا بيا أنا وإبني»
الموجز
كشفت الإعلامية ريهام سعيد عن تعرضها للتنمر والتحرش من قبل عدد من الشباب خلال تواجدها على شاطئ البحر في الساحل الشمالى بمارينا.
وأوضحت ريهام أن رفضها التصوير مع الشباب جعلهم يوجهون لها كلاماً يحمل تطاولاً بأنها "رد سجون".
ونشرت الإعلامية فيديو عبر حسابها الشخصي على موقع "انستجرام"، علّقت عليه بالقول: ريهام سعيد تستغيث بالشعب المصري والمسؤولين.. "أنا بيتم التحرش بي أنا وابني أنا معايا صور ليهم وفيديو للواقعه".
وقالت ريهام في الفيديو: "أنا أول مرة أطلع لايف استنجاد، لم أعرف كونى مشهورة أو حتى بمثل أو أذيع ده يحرمنى من حق أنى أعيش حياة طبيعية أم لا، يعنى هل ممكن أروح اشتكى إن أنا بيتم التحرش بي فحد هيسمعنى، ولا حتى أنا حد معروف فلازم أعيش معذبة عشان أنا مشهورة فاللى مش مشهور هو مش غلطان واللى مشهور هو اللى غلطان".
وأضافت: "أنا بقدم بلاغ الأن إلى قسم مارينا وإلى مدير أمن مارينا واستنجد بأى حد محترم في مارينا وتم التحرش بيا لفظيا مع أبنى الصغير قاعد على البودى، عشان ما تقولوش أنى لابسه ولا قاعدة أزاى .. أنا لابسه بنطلون وتيشرت وقاعدة مع أبنى بيعمل تواليت وقاعدة بأكله وأدام بيتى".
وأوضحت: "جنبنا بلاج عام يمشى عليه الشباب، وكنت بأكل أبنى وطلب منى 6 شباب التصوير حيث رفضت لأنني لم أريد تصوير أبنى يأكل ويجلس على البودى، حيث راحوا معليين صوتهم وقالوا سيبك منها كانت محبوسة ورد سجون".
وتابعت قائلة: "أنا قضيت حياتى أعمل كل حاجة كويسة في شغلى والدولة واتحبست احتياطي، كل واحد يطلع يعمل لايف وعاوز يتحرش بيا في الشارع يقول أنى كنت محبوسة أنا عاوز أعرف دلوقتى أنا أعمل أه".
وأضافت باكية: "أنا لقيت نفسى متورطة في حاجة ماليش دعوة بيها والحمد الله القضاء نزيه جدا، بما فيهم المحامى بتاعى الأستاذ محمد أبو شقة، أنا عاوزه أعرف أنا قضيت حياتى بخدم البلد والناس ومشيت على الصراط المستقيم ودلوقتى الوقف عن شغلى أنتهى بس مش هشتغل تانى، مش كل واحد يقابلنى في الشارع يقولى أنى رد سجون لأن أنا مش رد سجون، أنا واحدة بنت ناس أوى وعائلتى كبيرة ومتعلمة وست محترمة وشريفة".