عمرو السولية يعلن مقاضاة من قاموا بالتحرش بإبنته على السوشيال ميديا
الموجز
أعلن نجم وسط الفريق الأول لكرة القدم بالنادي الأهلي، عمرو السولية، عن مقاضاة جميع من قاموا بالإساءة لابنته.
وكان السولية قد نشر قبل أيام صورة تجمعه بإبنته ليلى عبر حسابه الشخصي على موقع الصور والفيديوهات "انستجرام"، ليفاجأ بهجوم شديد عليه بسبب طريقة لبس ابنته وطالبوه بالزامها بارتداء "ملابس محتشمة".
ورد السولية على تلك التعليقات بمنشور قال فيه إنها في سن ٣ سنوات فقط.
وكتب لاعب الأهلي تغريدة اليوم الإثنين عبر حسابه على موقع تويتر قال فيها: "تم اتخاذ كافة الإجراءات القانونية وعمل محاضر لكل من أساء فى حقى أو فى حق أى فرد من أفراد أسرتى ياريت أى حد يتعرض لأى موقف مشابه ميسكتش عن حقه علشان نقدر نقضى على الظاهرة البشعة المنتشرة فى مجتمعنا وسيحاسب كل من أساء ربنا يحفظنا جميعاً ".
تم إتخاذ كافة الإجراءات القانونية وعمل محاضر لكل من أساء فى حقى أو فى حق أى فرد من أفراد أسرتى ياريت أى حد يتعرض لأى موقف مشابه ميسكتش عن حقه علشان نقدر نقضى على الظاهرة البشعة المنتشرة فى مجتمعنا وسيحاسب كل من أساء ربنا يحفظنا جميعاً ??
— Amr elsolia (@amrelsolia) July 13, 2020
وكان السولية قد أعرب عن استنكاره لردود فعل بعض المتابعين له، بعدما نشر مجموعة صور له مع ابنته على السوشيال ميديا.
وقام السولية بنشر عدد من التعليقات "السخيفة والتحرش اللفظي"، حيث تضمنت عبارات يحاسب عليها قانون الجرائم الإلكترونية المصري.
وكتب السولية عبر حسابه الشخصي على موقع تويتر: “ليلى بنتي عندها 3 سنين ونص لسه قالعة البامبرز من كام شهر الكلام ده بيتقال على طفلة!!، أيه اللي يخلى بني آدم خنزير ممكن يبص على لبس طفلة ويركز غير أنه فعلاً خنزير؟!، أيه المرض ده! دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل”.
وأضاف: “قررت اتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت احمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.
— Amr elsolia (@amrelsolia) July 11, 2020