«عندها 3 سنين ولسه قالعة البامبرز».. عمرو السولية يقرر تقديم بلاغات ضد أشخاص تحرشوا بإبنته على السوشيال ميديا

الموجز  

أعرب لاعب النادي الأهلي، عمرو السولية، عن استنكاره لردود فعل بعض المتابعين له، بعدما نشر مجموعة صور له مع ابنته على السوشيال ميديا.  

وقام السولية بنشر عدد من التعليقات "السخيفة والتحرش اللفظي"، حيث تضمنت عبارات يحاسب عليها قانون الجرائم الإلكترونية المصري.

وكتب السولية عبر حسابه الشخصي على موقع تويتر: “ليلى بنتي عندها 3 سنين ونص لسه قالعة البامبرز من كام شهر الكلام ده بيتقال على طفلة!!، أيه اللي يخلى بني آدم خنزير ممكن يبص على لبس طفلة ويركز غير أنه فعلاً خنزير؟!، أيه المرض ده! دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل”.

وأضاف: “قررت اتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت احمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.

يشار إلى أن الفريق الأول لكرة القدم بالنادي الأهلي قد عاد للتدريبات الجماعية خلال الفترة الماضية، بعد توقف دام لأكثر من 90 يوماً بسبب أزمة تفشي فيروس كورونا المستجد.

جدير بالذكر أن الاتحاد المصري لكرة القدم، برئاسة عمرو الجنايني، قد أعلن أن يوم 6 أغسطس المقبل موعداً نهائياً لاستئناف بطولة الدوري المصري الممتاز.

تعليقات القراء